ကျွမ်းကျင်ပညာရှင် ကျွန်မနာမည်က အေးမို့မို့။ ကျွန်မဟာ ဧရာဝတီတိုင်း ပုသိမ်ခရိုင်က ကျေးရွာလေးတစ်ခုမှာ နေထိုင်ပါတယ်။ အဖေအမေတို့က ဆန်စက်ထောင်ထားတဲ့သူတွေပါ။ ကျွန်မတို့ ဧရာဝတီတိုင်းဟာ တိုင်းပြည်ရဲ့ထမင်းအိုးဟင်းအိုးလို့တော့ လူတွေပြောတာ ကြားဖူးပါတယ်။ နေထိုင်သူအများစုက လယ်ယာစိုက်ပျိုးတယ်။ ငါးဖမ်းထွက်ကြတယ်။ ကန်တွေ အင်းတွေနဲ့ တစ်ခြားကူးသန်းရောင်းဝယ်ရေးတွေ လုပ်ကိုင်စားသောက်ကြတာပါ။ မြန်မာတစ်နိုင်ငံလုံးမှာ ကိုယ်ပိုင်ရဟတ်ယာဉ် စစီးတာလည်း ကျွန်မတို့ ပုသိမ်ခရိုင်က သူဌေးကြီးတစ်ယောက်ပါပဲ။ အဖိုးရှိစဉ်အခါတုန်းက ပြောပြတော့ ကြားဖူးတာပါ။ တကယ် ဟုတ်မဟုတ်ကတော့ ကျွန်မလည်း မမီလို့ မသိလိုက်ဘူးရှင်။ ဆန်စက်သူဌေးတစ်ယောက်ရဲ့ တစ်ဦးတည်းသောသမီးဘဝမှာ ကျွန်မလည်း တော်တော်ကြီးကို အလိုလိုက်ခံရပြီး၊ တစ်မျိုးလုံးမှာလည်း တစ်ဦးတည်းသော မိန်းကလေးမို့ ကျွန်မရဲ့ဝမ်းကွဲအကိုတွေမောင်တွေရဲ့ အသည်းကျော် အချစ်တုံးကြီး ဖြစ်ခဲ့ပါတယ်။ ဒါပေမယ့် ကျွန်မဟာ ပညာရေးမှာတော့ ကံမပါပါဘူး။ကျွန်မ ဆယ်တန်းကို သုံးနှစ်ဖြေတာတောင် ကျလို့ […]