သူငယ်ချင်းစုံတွဲ ချယ်ရီတယောက် မိဘသဘောမတူတဲ့ သူနဲ့ လင်နောက်လိုက်ခဲ့တာဖြစ်။ ချယ်ရီ့ကောင်လေးဘက်ကလဲ ချယ်ရီနဲ့သဘောမတူ။ ချယ်ရီ့ဘက်လဲ သဘောမတူတော့ နှစ်ဦးသဘောတူ ခိုးပြေးကြတယ်။ ကောင်လေးက နယ်က။ ချယ်ရီနဲ့ခိုးပြေးတော့ ပါလာတဲ့ ငွေလေးနဲ့လက်ဝတ်လက်စားလေးတွေ ထုခွဲရောင်းချပြီး၊ ဒီဆင်ခြေဖုံးရပ်ကွက်ထဲကမှာ တိုက်ခန်းလေးငှါးနေကြတယ်။ နေရင်းနဲ့ ခြောက်လလောက်ကြာတော့ ရပ်ကွက်ထဲက ရပ်ကွက်ခံတချို့နဲ့လဲ မျက်မှန်းတန်းမိလာတယ်။ ပါလာတဲ့ငွေလဲ ထိုင်စားလို့ သိပ်မကျန်တော့ဘူး။ ဒါနဲ့ ရပ်ကွက်ထဲမှာ ဆိုင်ကယ် ဝယ်ရောင်းလေးလုပ်မယ် ဆိုပြီး၊ ကျန်တဲ့ ငွေလေးနဲ့ ဆိုင်ကယ်လေးတစ်စီးဝယ်ပြီး ဝယ်ရောင်းစလုပ်တယ်။ အဆင်ပြေတယ်။ ဆိုင်ကယ် တစ်စီးကနေနှစ်စီးဖြစ်လာတယ်။ နှစ်စီးကနေ သုံးစီး ဖြစ်လာတယ်။ စီးပွားဖြစ်လာတယ်။ ဒီမှာတင် ချယ်ရီယောကျားက သူ့နယ်မှာ ဆိုင်ကယ်တွေ ပေါတယ်။ နယ်အထိဆင်းဝယ်ပြီး ဒီမှာ ပြန်ရောင်းရင် အဆင်ပြေမယ်လို့ တွေးမိပြီး၊ နယ်ကိုဆင်းပြီး ဆိုင်ကယ်တွေ […]